Një i ri u vra pak pas mesnate në Tiranë. Konflikti që përfundoi në mënyrë tragjike pas mesnate në kryeqytet nisi në një market. Viktimë mbeti 29-vjeçari Jurgen Duka (Mëziri). Dyshohet se viktima bashkë me shokun e tij, O. D. kanë hyrë në një market dhe pas një debati kanë nisur një konflikt me një person tjetër të pa identifikuar. Ky i fundit ka qëlluar me armë dhe nga plagët e marra ndërroi jetë te Trauma, Jurgen Duka.
Sipas policisë, nga verifikimet e kryera rezulton se viktima është person me precedent të mëparshëm kriminale. Ai ishte pjesë e një grupi shqiptar që merrej me trafikun e kokainës, heroinës dhe marijuanës në Itali. 14 persona u arrestua në Itali, ndërsa 2 në Tiranë, konkretisht Elison Hysnebelliu dhe Jurgen Duka.
Në 5 muaj ky grup kriminal mendohet se ka trafikuar 160 kg kokainë në Itali. Aktivitetin ky grup kriminal e ka nisur në vitin 2016, ku nga Shqipëria çoheshin sasi të mëdha kanabisi drejt Italisë. Urdhër-arrestet janë lëshuar nga zyra e prokurorit të Antimafias në Bolonja
