Familja e tij në Leshnicë ka hapur dyert për mort
Një ndër militantët më aktivë të ISIS, Almir Daci, është vrarë gjatë luftimeve në Siri. Lajmi konfirmohet nga familjarët e Dacit në Leshnicë. Sipas mediave, familjarët e tij kanë thënë se sot kanë marrë lajmin e hidhur. Pas marrjes së lajmit familjarët mësohet se kanë hapur dyert e mortit. Ndërkaq, bashkëshortja dhe fëmijët e Almirit ndodhen ende në Siri, dhe nuk dihet fati i tyre. Almir Daci, i cili në Siri njihej ndryshe me emrin Ebu Belkisa, kërcënoi shqiptarët e Shqipërinë me sulme terroriste në qershor të 2015.
Ai ishte në kërkim nga autoritetet e drejtësisë në Shqipëri, pasi akuzohet për nxitje dhe thirrje publike për vepra terroriste; si dhe për rekrutim të personave për akte terroriste.
