Nehat Kulla i njohur si “Gjenerali”, ka përfunduar dënimin dhe ka lënë qelitë e burgut në Fushë Krujë.
Kujtojmë se Kulla në 1997 krijoi një “komisariat policie” në zonën e “Kinostudios”. Kulla u arrestua në vitin 1999 dhe u dënua me burg për vrasjen e kryer.
Kulla ishte i dënuar me 20 vite burg për vrasjen e Halim Gjuzit shoferit të Halit Shamatës, ish-ministër i Brendshëm i Shqipërisë gjatë periudhës 1 korrik 1996 – 1 mars 1997.
Pas 20 vitesh ai ka lënë qelitë, duke përfunduar dënimin e marrë. Nehat Kulla është arrestuar për një vrasje të ndodhur më 23 korrik 1998. Ngjarja ka ndodhur në autostradë në afërsi të Golemit. Referuar dosjes së akuzës Halim Gjuzi ka qenë duke udhëtuar në një automjet bashkë me familjen e tij.
Dëshmitarët kanë pohuar se Halim Gjuzi është qëlluar me armë zjarri në prani të familjes së tij, ku bënin pjesë edhe dy fëmijët. Gjuzi ishte duke udhëtuar drejt qytetit të Durrësit i shoqëruar edhe nga dy miq të tij italianë.
Policia në raportin e saj për ngjarjen e 20 viteve më parë ka shënuar se autori i krimit ndodhej në një ‘Shevrolet’ me targa ushtarake shtetërore.
