Gjykata e Gjirokastrës ka lënë në burg pa afat Mihal Thimjon, i cili 3 ditë më parë vrau me sende të forta mikune tij Gëzim Saraçi.
33-vjeçari para policisë pasi është arrestuar është shprehur se Saraçi e ka ofenduar, madje ka qenë pikërisht ai që e ka qëlluar i pari.
Ndër të tjera autori është shprehur se e ka qëlluar 57-vjeçarin për vetëmbrojtje.
“Gëzim Saraçi më preku në nder. Më goditi kur i thash se ne kaurët jemi të zotët të bëjmë lekë me djersë. Askujt nuk i kemi vjedhur si juve. Ai u bë si bishë, donte të më përpinte të gjithin. Unë u mbrojta, e kishte tepruar me pijen në restorant, por nuk ishte i dehur. As unë nuk isha i dehur. Unë u vetëmbrojta, s’kishte rrugë tjetër”, mësohet të jetë thënë ai.
