Gjykata e Tiranës ka lënë në burg, Agron Tanushi, 31-vjeçarin që vrau me dy plumba pushke në sy të fëmijës ish-kunatën e tij Jetmira Hasani. Në gjykatë Tanushi ka pranuar krimin për shkak të konflikteve që kishin pasur për çështje pronësie.
Sipas tij ditën kur ka ndodhur edhe krimi, në shtëpinë e tyre kanë shkuar disa të rinj që e kanë kërcënuar dhe kjo e ka shtyrë të ndërmarrë aktin e rëndë. Po ashtu ai ka deklaruar se ditën e ngjarjes ka pasur një konflikt me familjarët e viktimës, duke theksuar se gjithçka është e dokumentuar pasi banesa ka kamera sigurie.
Tanushi ka pretenduar se është vetëdorëzuar një ditë pas vrasjes së ndodhur në Bathore mbrëmjen e së martës, ndërkohë që sipas policisë ai u arrestua në Lushnje ku kishte shkuar të fshihej në shtëpinë e të motrës.
