Policia ka arrestuar Arjan Shahaj, autori i ngjarjes së rëndë në Memaliaj.
Ky i fundit u kap në Poçem, brenda një furgoni të linjës në aksin Tepelenë-Levan, ndërsa po udhëtonte drejt Fierit. Mësohet se 35-vjeçar i ka bërë rezistencë forcave të policisë, duke i kundërshtuar me dhunë.
Ngjarja ka ndodhur në pyllin e fshatit Shalës të Memaliajt, ku at e bir kishin dalë për të bërë dushk për bagëtitë. Por pas një sherri të çastit, i riu ka ndërmarrë aktin makabër, duke qëlluar me sëpatë mbi babain Iljas Shahaj. Po kështu mësohet se 35-vjeçari pak kohë më parë tentoi të vrasë një kushëri ndërsa në vitin 2003 ka tentuar të vrasë të ëmën.
