Ish-efektivi i policisë kishte pak ditë që ishte kthyer nga Franca
Një vrasje me armë zjarri ka ndodhur pak minuta më parë në rrugën “Nikolla Tupe” tek Njësia 5 në kryeqytet. Viktima është Ajet Zeqaj, rreth 30 vjeç nga Qesarati i Tepelenës. Ngjarja ka ndodhur në një qendër bastesh në zonën e ish-Bllokut, pranë një picerie. Nga të dhënat e deritanishme, policia njoftoi se viktima kishte qenë më parë efektiv policie ndërkohë që kishte vetëm 20 ditë që ishte kthyer nga Franca. Policia ka rrethuar zonën ku ka ndodhur ngjarja dhe ka marrë në pyetje të pranishmit në lokal. Nga dëshmitë e para rezulton se viktima ishte nën shoqërinë e një mikut të tij në kohën kur është qëlluar me një pistoletë me silenciator.
