Nuk ka ende asnjë gjurmë të autorëve për ekzekutimin mafioz në Shkodër i Prekë Tonajt, mbrëmjen e djeshme. Policia është duke hetuar të shkuarën e viktimës dhe konfliktet që ai ka pasur.
Pista kryesore ku po hetohet ngjarja është saga e hakmarrjes ku është përfshirë 47- vjeçari. Viktima Prekë Tonaj, punonjësi i Ujësjellës Kanalizime Shkodër, rezulton person me precedent penal, pasi në 2011 është arrestuar sepse së bashku me 2 persona të tjerë, tentuan të vrasin një person për hakmarrje në fshatin Vuksan të Shkodrës.
Nuk dihet ende nëse kjo ngjarje e 11 viteve më parë ka lidhje me ekzekutimin e sotëm të Tonaj. Burime bëjnë me dije se Prek Tonaj i janë vrarë edhe dy vëllezër vite më parë.
Nga hetimet re se personi i identifikuar si Pal Ksolla ka vrarë Nikollë Tonaj në komunizëm në burg, ndërkohë që në vitin 1996 ai u vra po nga ky fis. Në 2011 dyshohet se nga fisi Hasanaj është vrarë Zek Tonaj dhe është plagosur babai i tij. Zanafilla e konfliktit ka qenë për çështje votash në zgjedhje, por me pas janë konfliktuar në një urë në Dukagjin ku ka ndodhur edhe vrasja. Ndërkohë, në 2022 vritet Prek Tonaj, ndërsa të dyshuarit kryesor janë fisi Ksolla.
Autori nuk është identifikuar ende, teksa policia ka ngritur postblloqe, ndërsa ka nisur edhe marrja në pyetje e personave që kanë qenë të pranishëm në momentin e ngjarjes.
