Fatmir Manellari është autori i vrasjes së një 65- vjeçari pasditen e sotme në Pogradec.
Ngjarja ka ndodhur pas një konflikti të çastit, i cili ka agravuar në përdorimin e thikave.
Manellari ka goditur me thikë 65- vjeçarin e identifikuar me emrin Safet Yskollari, i cili si pasojë e plagëve të rënda të marra në trup ka ndërruar jetë në Spitalin e Pogradecit.
Menjëherë pas ngjarjes autori është larguar, në drejtim të paditur. Ndërsa policia është duke kryer kontrolle. Theksojmë sërish që ngjarja ka ndodhur pas një konflikti të çastit që ka agravuar në përdorimin e thikës, e për pasojë ka humbur jetën 65- vjeçari me iniciale S. H..
Nuk dihen ende motivet e kësaj ngjarjeje ndërsa, pritet të zbardhen detaje pas arrestimit të autorit dhe dëshmitarëve. Nga ana e Policisë, po bëhet krehja e zonës me qëllim kapjen e autorit dhe vënien e tij para përgjegjësisë ligjore.
Grupi hetimor po punon për sqarimin e plotë të rrethanave të ngjarjes.
