Gjyqi i vrasësit të 63- vjeçares Fatime Suli në Kozare, Fetah Marrës është shtyrë.
Ai nuk u paraqit në seancën paraprake, në momentet e fundit bëri si i sëmurë në burg, familjarët të irrituar përpara gjykatës.
Avokati i familjes Suli,Ramiz Oboni ka deklaruar më herët se, familjarët e të ndjerës janë të pakënaqur me hetimet pasi pretendojnë se bashkēpunëtor në vrasje me Fetah Marrën ka qenë edhe komshiu i tyre Izet Marra, për të cilin viktima u kishte thënë se e ngacmonte seksualisht prej muajsh.
I pranishëm në seancën paraprake ishte edhe i dyshuari i familjes Suli,I zet Marra, i cili ka kërkuar shtyrjen e seancës paraprake për mungesë të një avokati që ta përfaqësonte atë.
Në këto kushte, seanca paraprake u shty për në datën 8 Shtator.
Ngjarja
Fatime Suli u vra mbrëmjen e 20 Janarit 2022 në tokën e saj në fshatin Kozare në Kuçovë. Ajo u gjet e vdekur në një kanal, gjysmë e zhveshur dhe e mbuluar me gjethe e rrozga. Familjarët e saj e kishin kërkuar prej disa orësh dhe pasi nuk e kishin gjetur kishin njoftuar për ndihmë policinë. Vetëm pas rreth 1-orë kërkimesh, gruaja 63-vjeçe u gjet në një kanal, rreth 1 km larg banesës saj.
Vrasësi i saj Fetah Marra e ka pranuar tashmë krimin dhe ka deklaruar se viktima i kishte 60 mijë lekë borxh nga mbarështrimi i tufës së bagëtive.
Në dëshminë e tij, autori Marra ka thënë se kishte shkuar në arën e Fatimes për të kërkuar borxhin dhe se ishte i pirē kur e ka kapur për fyti dhe i ka vdekur ndër duar.
Viktima Fatime Suli kishte probleme të shëndetit mendor dhe trajtimi i saj me ilaçe ka vazhduar çdo ditë, deri në ditën që gjeti vdekjen.
