E djeshmja ishte e dita e fundit e Erion Braçes si zëvendëskryeministër i Qeverisë “Rama 2”. Ai i kaloi stafetën ish-ministrit të Rindërtimit, Arben Ahmetaj.
Ai publikoi në rrjetet sociale një shënim të gjatë duke theksuar se as kishte hyrë dhe as kishte dalë si hajdut, por ishte me ndërgjegje të pastër, teksa linte atë karrige, të cilën madje e kishte përmbysur në zyrë, duke dhënë mesazhin se nuk ishte aty për ulësen, por për të shërbyer.
Në videon e postuar nga vetë ai, pak a shumë vihet re edhe arredimi i zyrës, si dhe sendet që mbante aty.
Bie në sy një kryetitull i “Zërit të Popullit”, ku Gramoz Ruçi (edhe ky i dorëhequr) flet për parimet dhe filozofinë e PS-së.
Më tej, teksa kamera zhvendoset, vëmendjen e merr një libër i çuditshëm i titulluar “Vrasja e një kryeministri” me autor Çlirim Hoxha, mesa duket një roman thriller. A kemi të bëjmë me një mesazh të Braçes?
