Është zbardhur dëshmia e babit të Santiago Malkos të dhënë ditën e sotme para trupës gjykuese.
Burimet bëjnë me dije se babi i ish-efektivit 27-vjeçar, ka thënë që lajmin e ka mësuar nga televizioni, teksa në kohën kur ka shkuar në vendin e ngjarjes nuk ka pasur asnjë postbllok policie.
“Pse uniformat blu nuk i kanë kapur autorët. Une nuk kam pasur dijeni që djali im të kishte konflikte me ndonjë person. Nuk njoh asnjë nga personat e dyshuar.”- është shprehur babai i Malkos.
Gjithashtu, bëhet me dije se në seancë nuk është paraqitur bashkëshortja e viktimës Dea Malko. Sipas policisë bashkëshortja e ish-punonjësit të policsë është larguar jashtë vendit.
Kujtojmë që në kërkim për këtë çështje janë Leonard Duka, 33-vjeç, Erlis Duka, 29-vjeç, Ilir Selmani, 34-vjeç, Oltian Loga, 38-vjeç, Dritan Agaj, 38-vjeç, Fatmir Hyseni Musai, 42-vjeç, Aleksdandër Maxhaku, 37-vjeç, Xhoni Nica, 24-vjeç.
Ndërkohë, theksohet se procesi gjyqësor është duke u zhvilluar kundër Blendi Tetës dhe 8 personave të tjerë, teksa viktima është vrarë në Tiranë më 27 gusht 2019.
