Këshilli i Lartë i Drejtësisë ka nisur hetimin ndaj gjykatës së Kavajës dhe gjyqtarëve të saj të cilët në 2015 dënuan vetëm me tre vite burg Fadil Kasemin.
Inspektoriati i KLD u vu në lëvizje nga presidenti Ilir Meta, i cili ende vazhdon të jetë kryetar i këtij këshilli, deri në ngritjen e Këshillit të Lartë Gjyqësor.
Bëhet fjalë për vendimin e 28 prillit 2016 të dhënë nga trupa gjyqësore me kryesues Luan Lushën dhe anëtarë Ela Kajën e Markelian Koçon, i lënë në fuqi nga Apeli dhe i dërguar për rekurs në Gjykatën e Lartë.
Presidenti Meta kërkoi që në mbledhjen e parë të KLD të raportohet për procedurat që duhet të ndiqen nga gjykatat gjatë lëshimit të urdhërave të mbrojtjes për viktimat e dhunës në familje.
Gjithashtu Meta i bëri thirrje Ministrisë së Drejtësisë, e cila ka kompetencë për projekligjet e dhënies së amnistisë që të mos përfshihen të dënuarit që kryejnë vepra penale brenda familjes.
