Policia e Vlorës arrestoi sot tre autorët e dyshuar për vrasjen e administratorit të Kotes, Argjil Gjoka.
Personat e arrestuar janë Jaçe Bejtaj 30 vjeç, Namik Bejtaj 22 vjeç dhe 19-vjeçari Arif Bejtaj të tre të afërt me njëri-tjetrin. Po ashtu nga ana e policisë është shpallur në kërkim shtetasi M .P. (B), 32 vjeç, banues në Vlorë dhe po punohet për kapjen e tij.
Dyshohet se shkak për vrasjen e e Gjokës është bërë një sherr për prona , ku administratori kishte ndërhyrë për të shuar konfliktin.
Këta shtetas në bashkëpunim me njëri-tjetrin për motive të dobëta kanë tentuar të vrasin me armë zjarri tip pistoletë dy vëllezërit Fatmir Osmënaj dhe Astrit Osmënaj, (70 dhe 65 vjeç), por pas ndërhyrjes për të shuar konfliktin humbi jetën Kryetari i Njësisë Administrative Kota.
