Policia greke ka dalë në një deklaratë zyrtare pas ngjarjes në kufirin greko-shqiptarë ku mbeti i vrarë një shtetas shqiptar.
“Dje pasdite, pas një informacioni në rrugë operative për trafik të lendeve narkotike përmes kufirit greko-shqiptar në zonen e Pogonit, Janinë, efektivë të seksionit të luftës kundër drogës të Janinës, dukë lëvizur me këmbë në zonën e Visani, Pogon, u qëlluan me armë zjarri Kallashnikov.
Efektivet iu përgjigjën zjarrit dhe si pasojë e shkëmbimit të zjarrit, mbeti i vdekur një shtetas shqiptar 39-vjeç dhe u plagos një efektiv policie. Në vendin e ngjarjes u gjetën dhe sekuestruan 6 çanta me 13 pako që permbanin 166 kg 200 gram marijuanë dhe 2 arme zjarri Kallashnikov. Efektivi i plagosur ndodhet në spitalin “Haxhikosta” në Janine. Ne vendin e ngjarjes vijon operacioni per kapjen e trafikanteve te tjere dhe mbledhjen e materialit hetimor.”- njofton policia greke.
Prej fillimit te vitit e deri sot, ne Igumenice, Korfuz, Lefkadha, Kefalonia, Janine, Athine, Selanik, Arte, Aitiloakarnania, Patra, Kostur, Grevena, Follorine, Aleksandroupoli, etj. policia greke ka sekuestruar rreth 10.5 ton marijuane qe vinte nga Shqiperia.
