Ish-deputeti i Partisë Demokratike, Ervin Salianji ka reaguar lidhur me vrasjen e 25-vjeçarit Klodian Rasha, i qëlluar për vdekje nga një punonjës policie në orët e para të mëngjesit të sotëm.
Teksa publikon ligjin dhe rregulloren e Policisë së Shtetit për përdorimin e armës nga efektivët e policisë, Salianji shkruan në Facebook se vrasja është e pajustifikueshme dhe se kjo vjen nën frymën e represionit të madh që kjo qeveri ka ndërmarrë ndaj qytetarëve.
Postimi i plotë
Vrasja e një qytetari për shkak të mosndalimit, duke mos kryer asnjë krim, është një akt i shëmtuar i kryer nën frymën e represionit të madh që kjo qeveri ka ndermarrë ndaj qytetarëve.
Dhuna dhe represioni ndaj qytetarëve dhe përulja ndaj bandave kryesore dhe krimit të organizuar tregon që vendi po shkon në drejtim të gabuar. Vrasja e një të riu në ditën e Rinisë është një kambanë alarmi! Hetimi duhet të jetë i shpejtë i pacënueshëm dhe i paanshëm!
Më poshtë gjithësecili mund ta lexojë qartë dhe të japë mendimin e vet.
