Nënkryetari i Lëvizjes Socialiste për Integrim, Petrit Vasili, ka reaguar përmes rrjeteve sociale, lidhur me atë çka pritet të ndodhë nesër në Kuvendin e Shqipërisë, ku me votat e Partisë Socialiste do të miratohet marrëveshja për Butrintin.
Vasili ka shkruar se ky do të jetë një votim kriminal, ndërsa thekson se vandalët e Rilindjes do të kafshojnë Butritin.
“Butrinti kërkon një masterplan, që garanton ruajtjen e plotë dhe konservimin e plotë e të sigurtë të vlerave të mrekullueshme të tij. Kjo kërkon konsultimin e gjerë me profesionistët shqiptarë, që në dhjetëra vjet e kane mbrojtur e mirëmbajtur atë.”
Nga ana tjetër, Vasili është shprehur se kostot financiare nuk janë asgjë përpara vlerave madhështore që ofron Butrinti.
“Çdo kosto financiare nuk është asgjë përpara vlerave madhështore dhe të papërsëritshme të Butrintit. Vetëm 5 km nga rrugët e florinjta të rilindjes do të mjaftonin për mobilizuar në një minute mbi 100 milionë euro për Butrintin”.
