Ministri i jashtëm grek, Nikos Kotzias thotë se Greqia pranon negociatat për heqjen e ligjit të luftës, por jo paketën për Çamërinë.
Në fjalën e mbajtur para një auditori partiak në qytetin e Kozanit, ministri u shpreh se Çështja Çame nuk ka vend në paketën e propozuar për futjen e Shqipërisë në Bashkimin Europian.
“E para, iu propozuam një paketë për të vënë të gjitha çështjet për t’i zgjidhur; jo atë çame – çështje të tilla nuk kanë asnjë punë në paketë. Të marrë pala shqiptare ato që kërkon, të heqim ligjin e gjendjes së luftës – megjithëse nuk e di pse konsiderojmë që jemi ende në luftë. Të zgjidhim çështjet konsullore, por edhe ata duhet të pranojnë ndërtimin e varrezave të ushtarëve grekë, të zgjidhet me të vërtetë dhe thelbësisht çështja e delimitimit të kufirit detar dhe zonave ekskluzive ekonomike, etj.”- shprehet Kotzias.
