Deputetja e PD-së Albana Vokshi ka reaguar ndaj ministres së Arsimit Lindita Nikollës në lidhje me situatën e shkollave në vend.
Vokshi ka theksuar se 133 mijë nxënës kanë braktisur shkollën dhe shumë shkolla janë mbyllur pasi shumica e shqiptarëve po ikin jashtë vendit.
“Mbyllja e dhjetra shkollave tregon situatën në vend. Nuk bëhet fjalë për shkolla kolektive por për mbyllje shkollash. 16 në Fier , 9 në Vlorë. Qeveria ka ulur buxhetin e arsimit dhe iu ka dhënë lekët kriminelëve.
Nuk ju thonë prindërve se pse nuk e realizojnë zgjidhjen tonë për tekste falas për të gjithë nxënësit. Duke kopjuar keq dhe duke sulmuar opozitën, Rama dhe Nikolla si shpëtojnë dot shkatërrimit të shkollave. 133 mijë nxënës kanë braktisur shkollën.
Duke mbajtur rininë të paarsimuar, duke u larguar më të mirë situata në vend është alarmante. Për PD arsimi cilësor është prioritet”, u shpreh Albana Vokshi.
