Deputetja demokrate Albana Vokshi, e ka cilësuar ministren e Shëndetësisë të pa ditur, pasi sipas saj është rreptësisht e ndaluar që të dhënat e pacientëve të shkojnë në zyrën e Ramës.
Përmes një postimi në facebook, Vokshi, shprehet se ministrja e “Mbrojtjes” së Kryeministrit, gënjeu në deklaratën reagim të denoncimit të Partisë Demokratike për qarkoren drejtuar Qëndrave Shendetësore dhe pavioneve për të dorëzuar në Kryeministri nr e kartave të identitetit të pacientëve.
Postimi i plotë
MINISTRJA E PADITUR E SHËNDETËSISË DHE CMIMI QE DUHET TË PAGUAJË PËR TË BËRË KAMIKAZEN E RAMËS
Ministrja e “Mbrojtjes” së Kryeministrit ( duke e pa…ditur…) se është rreptësisht e ndaluar që të dhënat e pacientëve të shkojnë në zyrën e Ramës, gënjeu në deklaratën reagim të denoncimit të Partisë Demokratike për qarkoren drejtuar Qëndrave Shendetësore dhe pavioneve për të dorëzuar në Kryeministri nr e kartave të identitetit të pacientëve.
Ministrja në padijeni totale kërkoi ta fshehë këtë urdhër politik për identifikimin e pacientëve/votuesve me kartën e shëndetit, një tjetër histori abuzive korruptive e paraardhësit të saj, një ndër “big fish-sat” që duhet të dorëzohet nga Rama…
Por për të na iluminuar, a mund të na thotë Ministrja se në cilin ligj bazohet dërgimi te Kryeministri i të dhënave personale të pacientëve ?
Dhe një pyetje pak të sikletshme…, cili ligj ngarkon me përgjegjësi mjekët, që refuzojne të shkelin ligjin meqë jemi edhe në kohën e drejtësisë “Rama”?
Ministrja Manastirlliu, para se te dilte në deklaratë minimalisht mund të kishte pyetur ata që ka në varësi. Ata do t’i thonin që rregjistri i pacentëve ekziston së bashku me ID për cdo pacient. Ndaj edhe urdhëri i fundit për marrjen e të dhënave te pacientëve vetëm me transparencën e llogaridhënien nuk ka asnjë lidhje…
Asnjë Ministër kandidat apo jo…, as për rekorde, nuk mund të shkelë ligjin edhe kur kjo ja hap më shumë portat e karrierës…
Drejtësia të veprojë!!
