Ish-deputetja e PD, Albana Vokshi ka denoncuar propagandën e fasadave me ngjyra në shkolla, ku sipas saj lë fëmijët në Kuçovë mes të ftohtit e lagështisë.
Sipas Vokshit, për këtë shkollë janë shpenzuar 760 mln lekë, por sipas saj fëmijët janë mes të ftohtit e lagështisë, pa sistem ngrohje, në oborr kanë shpërthyer ujërat e zeza kurse ankesat përfundojnë në vesh të shurdhër.
STATUSI NGA ALBANA VOKSHI
Propaganda e fasadave me ngjyra në shkolla, lë fëmijët në #Kucovë mes të ftohtit e lagështisë!
760 mln lekë u shpenzuan për shkollën “18 Tetori” në Kucovë. Në inagurim, mori pjesë edhe deputetja Felaj, që e shiti si një ndër punët më të mira të bashkëpunëtorëve të saj partiakë.
Por për fat të keq, vetëm fasada e ngjyrave dhe propaganda nuk mjafton. Temperaturat e ulta të janarit e kanë bërë të vështirë mësimin në këtë shkollë.
1. Nuk ka sistem ngrohje. Nxënësit detyrohen të sigurojnë privatisht ngrohës portativë, por automati nuk e mban ngarkesën.
2. Muret kanë krijuar lagështi për shkak të abuzimit me fondet dhe cilësisë së dobët të punimeve.
3. Në oborrin e shkollës kanë shpërthyer edhe ujrat e zeza duke krijuar një mjedis të rënduar e të rrezikshëm për fëmijët.
Ankesat e shumta të prindërve e fëmijëve vazhdojnë të bien në vesh të shurdhër.
