Policia e Vlorës ditën e sotme nisi procedimin penal në gjendje të lirë për qytetarin me inicialet L. T., banues në Itali. Lidhur me ngjarjen bëhet me dije se 38-vjeçari ka trafikuar një automjet i cili rezulton i vjedhur në Itali.
Deri më tani, burime nga policia bëjnë me dije se automjeti i është sekuestruar qytetarit në cilësinë e provës materiale.
“Specialistët e Seksionit për Hetimin e Trafiqeve të Paligjshme në DVP Vlorë referuan materialet në Prokurori dhe nisi procedimin penal në gjendje të lirë për shtetasin L. T., 38 vjeç, banues në Itali, pasi dyshohet se ka trafikuar një automjet, i cili rezulton i vjedhur në Itali. Automjeti u sekuestrua në cilësinë e provës materiale.”
Së fundmi, lidhur me ngjarjen nuk ka detaje të reja por materialet i kaluan prokurorisë për zbardhjen më tej të situatës.
