Ulja e temperaturave dhe reshjet e vazhdueshme të shiut prej së premtes ka frenuar ardhjen e pushuesve.
Siç shihet dhe nga pamjet bregdeti jonian është i boshatisur, ndërsa ata pushues të paktë që kanë qëndruar në Vlorë kanë zgjedhur muzeumet arkeologjik dhe historik, për të kompensuar mungesën e plazhit.
Në Vlorë përveç motit të paqëndrueshëm, impakt në uljen e numrit të turistëve kanë dhënë dhe punimet përgjatë bregut për lungomaren. E kthyer në një kantier ndërtimi, këtë sezon Vlora i ka dhënë prioritet shndërrimit të qytetit.
Në zonën e Plazhit të ri, ku ndodhen dhe hapësirat më të mëdha publike, problemet nga derdhja e padisiplinuar e ujërave të zeza, është një tjetër faktor që ka larguar pushuesit. Gjithsesi, Vlora dhe mundësitë e shumta që ofron për turizëm, e ka renditur ndër qytetet më të kërkuar dhe frekuentuar nga pushuesit.
