Gjatë dëgjesës së kryeministrit Edi Rama në Vlorë, një qytetare pohoi se vuante nga kanceri.
Gruaja 49-vjeçare, banuese në Vlorë, shprehu shqetësimin e saj, por edhe të banorëve të pallatit, se ishte gruaja e 4 që ishte prekur nga kanceri, për shkak të ndotjes së ambientit.
Ajo pohoi se shkaktarë të ndotjes së ambientit ishin dy dyqane që piqnin mish me qymyr.
“Mirë që me sëmundjen po vuajmë, vetë e dimë, por nuk ia dalim dot me mjedisin, aty ku banojmë ne ka furra që pjekin mish me qymyr” – ka thënë mes lotësh gruaja.
Por kryeministri Rama i ndërpreu fjalën, dhe i tha shkurt se qymyri nuk ishte çështja e tij.
“E kuptova, por nuk është një çështje që më takon mua” – tha Rama.
