Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Vllaznia në kolaps total, lojtarët nuk kanë ndërmend të dalin në stërvitje

Nga Klodiana 0

Kriza te Vllaznia hyri sot në ditën e tretë, pasi lojtarët kuqeblu nuk kanë dalë as sot në stërvitje.
Vllaznia4
Skuadra shkodrane vazhdon të bojkotojë përgatitjet për kampionatin për 3 ditë me radhë, një rast i rrallë për klubet elitare të futbollit shqiptar. Sërish në fushë dolën në orën 17:00 zv-trajneri Safet Osja dhe trajneri i portierëve Ideal Lekiqi, por më pas janë larguar pasi aty nuk ndodhej asnjë prej futbollistëve.

Çështja e pagave është kthyer në makth për lojtarët e Vllaznisë, pasi prej kohësh Këshilli Bashkiak i Shkodrës nuk ka miratuar pasqyrën financiare të vitit 2020, ku bën pjesë dhe buxheti i Vllaznisë.

Administratori i klubit Suad Lici deklaroi disa ditë më parë se nëse lojtarët nuk stërviten dhe nuk luajnë, do të aktivizohen futbollistët e Vllaznisë U19.

Kërkesat e lojtarëve për klubin
Lojtarët e Vllaznisë kërkojnë garanci për katër rrogat e pamarra dhe mbi të gjitha një datë fikse se kur do të kalojnë paratë në llogaritë e tyre. Gjithashtu, ata duan të sqarohen se si do të procedohet për kontratat, pasi shumicës i skadon marrëveshja me Vllazninë më 31 maj. Sipas kapitenit Lika, lojtarët janë të gatshëm të pranojnë rroga minimale në muajt qershor dhe korrik nëse klubi shlyen detyrimet e tjera. Dy kërkesa të tjera janë edhe sa i përket akomodimit. Lojtarët e huaj dhe ata nga rrethet janë të kërcënuar për qiratë dhe faturat e dritave. Nga ana tjetër, ata kërkojnë patjetër që të tria vaktet t’i konsumojnë në një restorant të vënë në dispozicion nga klubi. /Panoramasport

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej