Superliga shqiptare e futbollit zhvilloi sot dy ndeshjet e radhës të vlefshme për javën e 21-të. Në “Loro Boriçi” të Shkodrës, Tirana u mund 1-0 nga Vllaznia. Në duelin tjetër në “Niko Dovana”, Erzeni dhe Teuta barazuan 1-1. Me fitoren e Vllaznisë kundër kryesueve të Tiranës, gara për titullin në Superligë tanimë është e hapur, me bardheblutë që nuk e “vrasin” dot kampionatin. Nesër në 13:00 raundi i 21-të mbyllet me Bylis – Partizani.
Vllaznia fitoi 0-1 me Tiranën në “Loro Boriçi”.
Ndeshja”Klasike” mes dy skuadrave foli për kuqeblutë, teksa përballja u zhvillua në Shkodër kjo pas një marrëveshje nga faza e dytë kur stadiumi “Loro Boriçi” nuk ishte gati dhe Vllaznia ishte pritëse në kryeqytet. Përballja e javës së 21-të në Superligë u vendos nga goli i Herald Markut në minutën e 51 të ndeshjes. Ka qenë ndërhyrja e gabuar e Behiratche në dëm të Balaj, me Jorgjin që akordoi penallti. Me këtë fitore Vllaznia shkon në kuotën e 34 pikëve në vendin e dytë, tre pikë më pak se Tirana kryesuese.
Erzeni dhe Teuta barazuan 1-1 në “Niko Dovana” për javën e 21-të në Superligë.
Derbi prodhoi një gol në secilën pjesë, me skuarat që në fund ndanë nga një pikë. Sherif Kallaku shënoi për Teutën në minutën e shtatë një 11 metërsh të fituar nga ai vetë, ndërsa në minutën e 87 Vitor Leao barazoi për shijakasit. Erzeni me 31 pikë qëndron në vendin e tretë, ndërsa Teuta me 25 pikë renditet e shtata.
Superliga – java 21:
E shtunë
Laçi 0-1 Egnatia
Kukësi 1-0 Kastrioti
E diel
Erzeni 1-1 Teuta
Tirana 0-1 Vllaznia (Loro Boriçi)
E hënë
13:00 Bylis – Partizani
Renditja:
