Ambasadorja e Bashkimit Evropian në Tiranë, Romana Vllahutin, foli sërish për reformën në Drejtësi. Kësaj here i është drejtuar rinisë, tek të cilët thotë ajo i ka shpresat Shqipëria, pas dështimit të kësaj elite politike.
“Reforma në drejtësi duhet të bëhet sipas standardeve të BE-së. Drejtësia është e rëndësishme për Shqipërinë sepse do të ndryshojë gjithçka në këtë vend.Shqipëria duhet të zbatojë rregullat për t’iu bashkuar BE-së. Një çështje e rëndësishme është dialogu. Këtu ka mungesë dialogu. Dialogu i’u bën të përfshiheni në vendimmarrje. Keni më shumë pushtet sesa mendoni”, tha Vllahutin. Të njëjtin besim tek rinia shprehu edhe Ministrja e Integrimit Klajda Gjosha, e cila i konsideroi ata, Ambasadorët më të mirë të Shqipërisë në BE.
Gjosha: “Rinia janë Ambasadorët më të mirë të vendit dhe zhvillimit të tij. Pa të rinjtë, nuk shkojmë dot në BE . Reforma në drejtësi do ti hapë rrugë integrimit dhe besimit tek sistemi i drejtësisë. Jemi shumë pranë çeljes ë negociatave si dhe shumë pranë miratimit të reformës në drejtësi. Reforma në drejtësi do të kalojë shumë shpejt”, tha Gjosha.
