Ambasadorja e BE, Romana Vlahutin dhe ambasadori i SHBA, Donald Lu i kanë dërguar një mesazh partive të vogla për një takim ditën e premte konsultativ me ta.
Takimi është thirrur në një kohë që po skadon afati i regjistrimit të kandidatëve për deputetë.
Mesazhi i është dërguar 7 kryetarëve të partive politike, përfshirë këtu edhe kreun e PDIU-së, Shpëtim Idrizi.
Mesazhi i plotë
Përshëndetje z. Madhi, z. Duka, z. Dule, z. Ndoka, z. Blushi, z. Idrizi, z. Shehi Ambasadori Borchardt, Ambasadori Lu dhe Ambasadorja Vlahutin kanë kënaqësinë t’ju ftojnë në një takim informues për procesin e negociatave te zhvilluar mbrëmë.
Takimi do te zhvillohet ditën e premte, dt. 28 prill ora 10:00, vendi për t’u konfirmuar. Ju lutem me konfirmoni nëse axhenda juaj e mundëson pjesëmarrjen tuaj ne këtë takim. Ju faleminderit, Irida Gjyshi.
Por, burime të Ora News bëjnë me dije se partitë e vogla opozita nuk do të marrin pjesë në takimin e thirrur.
