Presidenti rus, Vladimir Putin i është nënshtruar një operacioni në fillim të këtij viti.
Është kjo deklarata e bujshme që vjen nga Rusia, me ish-shefin e Departamentit të Marrëdhënieve me Publikun në Institutin Shtetëror të Marrëdhënieve Ndërkombëtare, Valery Solovei që pohon se Putin vuan nga kanceri.
‘Njëra është e natyrës psiko-neurologjike, tjetra është një problem i kancerit. Nëse dikush është i interesuar në diagnozën e saktë, unë nuk jam mjek dhe nuk kam asnjë të drejtë etike për t’i zbuluar këto probleme,” tha Solovei, teksa sugjeroi që 68-vjeçari Putin iu nënshtruar ndërhyrjes kirurgjikale në muajin shkurt.
Kremlini zyrtar ka hedhur poshtë këto pretendime, ndërkohë që Solovei shton se Putin po planifikonte të jepte dorëheqjen në atë periudhë për shkak të problemeve të tij shëndetësore, dhe të emëronte vajzën e tij, Katerina Tikhonova si pasardhëse.
Putin shfaqi probleme mbrëmjen e djeshme ku kollitej shpesh, teksa kryente një mbledhje për të rimëkëmbur ekonominë ruse pas pandemisë së Covid-19.
