Debat i ashpër mes deputetëve socialist në Komisionin Parlamentar të Veprimtarive prodhuese
Deputeti socialist, Vladimir Kosta, e ka cilësuar prepotent dhe arrogant, kolegun e tij socialist, deputetin Eduard Shalsi. Kosta ka propozuar që deputetët e komisionit të Verpimtarive Prodhuese të marrin pjesë në mbledhjet e shoqatave të biznesit për të marrë mendimi nëse duhet apo jo anëtarësimi i detyrueshëm i tyre në dhomën Kombëtare të Tregtisë. Por përgjigja e Shalsit ka qënë sipas Kostës një gënjeshtër. Deputeti soicliast i njohur për natyrën e drejtëpërdrejtë në kritika kryesisht ndaj kolegëve të tij socilaistë, ka përgënjështruar qëndrimine Shalsit i cili ka thënë se ka marrë mendimine grupeve të interest për këtë ligj. E kundërta është e vërtetë sipas deputetit Kosta.
Mesazhi i Vladimir Kostës në facebook.
“Kam qenë pjesë e kryesisë së dhomës në Tiranë , dhe meqë kam pak njohje për aktivitetin e dhomës, propozova në komision që anëtarësimi në dhomën e tregtisë, të mos jetë i detyrueshëm për bizneset e Shqipërisë.
Propozova në komision, të marrim pjesë , ne deputetët e këtij komisioni, në mbledhjet e shoqatave për të marrë mendimin e vet biznesmenëve nëse duhet apo jo anëtarësimi i detyrueshëm ?!
Eduard Shalsi sot në komision bëri sjelljen e një arroganti, prepotenti, të një mohuesi kur thotë se ka mbledhur grupet e interesit për tu marrë mendimin e tyre !
Ed Shalsi; nuk është aspak e vërtetë që ju keni pyetur direkt biznesin, ashtu siç pretendon dhe gënjen ata 5 deputetët e komisionit.
Ti ke marrë mendimin e krerëve të dhomave dhe ata ta kanë kundërshtuar anëtarësimin e detyrueshëm. Sapo e vertetova këtë fakt me drejtorin ekzekutiv të dhomës amerikane të tregtisë. Dhe mendimi i tijë është kundër asaj që do të bëni ju. Prandaj do të lutesha të gjesh rrugën e drejtë, që ju të mos diktoheni nga dikush me interesa personale”, shkruan deputeti socilaist Vladimir Kosta.
