4 persona janë arrestuar gjatë 24 orëve të fundit në Vlorë, për vepra të ndryshme penale.
Policia njofton se 26 vjeçari me iniciale Q.S. nga Selenica u vu në pranga, pasi ishte shpallur në kërkim për vjedhjen e një makine, ndërsa shtetasi L.L., 38 vjeç nga Fieri u kap mat duke vjedhur një banesë në Dhërmi.
Gjithashtu u ndaluan edhe dy të tjerë, përkatësisht 47 vjeçari E.B nga fshati Bishan i Vlorës dhe 42 vjeçari Xh.A. nga Shushica për drejtim automjeti në gjendje të dehur dhe pa leje drejtimi.
Vlorë/ Njoftimi i policisë:
Në vijim të punës intensive gjatë 24 orëve të fundit Policia e Vlorës ka arrestuar 4 shtetas, ku njëri prej tyre ishte shpallur në kërkim.
Ndalohet shtetasi i shpallur në kërkim Q.Sh., 26 vjeç, banues në Selenicë, Vlorë.
Policia Kufitare Vlorë ka bërë kapjen dhe më pas ndalimin e këtij shtetasi pasi nga verifikimet e kryera rezultoi se Q.Sh ishte shpallur në kërkim për vjedhjen e një automjeti me anë të mashtrimit.
—-
Arrestohet në flagrancë shtetasi E.B., 47 vjeç, banues në fshatin Bishan, Vlorë.
Arrestimi i tij u bë në aksin Bishan-Vlorë pasi u kap nga shërbimet e qarkullimit rrugorë duke drejtuar automjetin në gjendje të dehur.
—-
Arrestohet në flagrancë shtetasi Xh.A., 42 vjeç, banues në fshatin Shushicë, Vlorë.
Arrestimi i tij u bë pasi shtetasi Xh.A u kap nga shërbimet e qarkullimit rrugorë në aksin Shushicë-Vlorë duke drejtuar automjetin pa leje drejtimi përkatës.
—-
Himarë, arrestohet në flagrancë nga Policia shtetasi L.L., 38 vjeç, banues në Fier.
Arrestimi i tij u bë në Dhërmi pasi 38 vjeçari është kapur nga shërbimet e policisë në kushtet e flagrancës duke vjedhur banesën e shtetasit A.K.
Materialet iu referuan Prokurorisë në ngarkim të secilit për veprime të mëtejshme.
