Sikur zyrtarët e BE-së ta merrnin pagën në një vend me Luigj Sorekën me siguri nuk do të kishte kokëdhembje për Edi Ramën. Pas masakrës elektorale në bashkëpunim me narkotrafikun, Bashkimi Europian nuk e ka dhënë një datë për çeljen e negociatave me Shqipërinë.
Kjo e ka nervozuar kryeministrin Edi Rama, i cili në një intervistë me gazetaren Giorgia Orlandi, në emisionin “Global Conversation” në Euronews ka thënë që Shqipëria ka pësuar një ndryshim të madh në vitet e fundit, ndaj vendi ynë meriton të hyjë në rrugën e plotë te hapjes së negociatave. Ai sulmoi BE-në duke theksuar që Unioni po tregohet dritëshkurtër dhe hipokrit.
Por, nuk është mjaftuar me kaq. Më pas ka bërë një tëeet, në të cilin i referohet draamës së mirënjohur të Beckett “Duke pritur Godonë”.
“Pse mendoj kaq shpesh në ditët e sotme për kryeveprën e Samuel Beckett ndërsa ndjek deklaratat për Shqipërinë dhe Maqedoninë e Veriut? (Çdo ngjashmëri me ngjarje apo persona të vërtetë, të gjallë ose të vdekur, është sigurisht e rastësishme)”,- shkruan Rama me ironi pa sqaruar sa nga banditët që ka në pushtet e njohin dramaturgun e absurdit.
Why I think so often nowdays about Samuel Beckett's masterpiece while following statements on Albania and North Macedonia?
(Any resemblance to real events or persons, living or dead, is purely coincidental of course) #FutureofEurope pic.twitter.com/wTFgWDvzLN— Edi Rama (@ediramaal) May 11, 2021
