Reagojnë deputetët e PS-së: të jetë e hapur, çështja e paisjes së përgjimit është bërë publike ne media
Kryetari i SHISH, Visho Ajazi, kërkoi sot në komisionine sigurisë, seancë të mbyllur ku do të diskutohej për paisjen e përgjimit. Por kjo kërkesë e tij është kundërshtuar nga deputetët e PS-së, të cilët thanë se seanca duhet të jetë e hapur pasi çështja e përgjimeve është publikuar në media. Por Ajazi ka theksuar se seanca duhet të jetë e mbyllur pasi flitet për çështje që kanë të bëjë me sigurinë kombëtare.
“Më mirë do të ishte e mbyllur sesa në publik, pasi është pjesë e sigurisë kombëtare dhe nuk besoj se është e përshtatshme për median. Njerëzit që duhet ta dëgjojnë këtë informacion duhet të jenë të pajisur me çertifikatë sigurie”, tha Ajazi. Në përgjigje të tij, deputetio socilaist Paulin Sterkaj theksoi: Ska më sekrete është publikuar në media. Hidheni në votim. Thoni nëse është përgjuar apo jo. Kjo do të ishte shumë trasnparente. Mbaj vendin tënd se ke dy ditë që je kryetar komisioni. E kemi thirrur për të bërë transparencën. Je ndër personat që ke thënë se ke informacion por nuk e thënë asgjë”.
Në komisionin e sigurisë raportojnë sot edhe Ministri i Brendshëm Saimir Tahiri, Prokurori i Përgjithshëm Adriatik Llalla dhe Drejtori i Përgjithshëm i Policisë së Shtetit, Haki Çako.
