Në Britani është shënuar viktima më e re nga koronavirusi, Craig Ruston, 45 vjeç i cili është baba i dy fëmijëve. Ruston gjithashtu vuante edhe me sëmundjen e neuroneve motorike.
Craig ishte i martuar me Sally Ruston, e cila nëpërmjet një postimi në rrjetet sociale i ka bërë edhe një dedikim shumë prekës, duke zbuluar se amaneti i tij i fundit ishte që truri i tij të dhurohej për qëllime shkencore.
Sally në postimin e bërë thotë se i shoqi ishte një njeri shumë i sjellshëm, i kujdesshëm dhe se nuk ishte ende gati për të ndërruar jetë, sepse kishte shumë për të treguar për sëmundjen e tij dhe për të luftuar kundër saj.
