Profesori i kriminalistikë, Ervin Karamuça pak ditë më parë, i ftuar në Abc-ja e mëngjesit” hodhi dyshimin se vdekja e 23-vjeçares Evgjeni Baxho, mund të jetë e lidhur me një botë të nëndheshme teknologjike, e njohur si deep web dhe dark web. Për të folur më shumë për këtë, sot në studio ishin të ftuar eksperti i teknologjisë, Tomi Kallanxhi dhe psikologia Almeida Xhaferri.
Kallanxhi shpjegoi se të gjithë mund të kenë lehtësisht akses në dark web, të cilat janë pothuajse të pagjurmueshme. Ai tha se ajo që e bën më ilegale këtë gjë është përdorimi i kriptmonedhave. “Një transaksion të bitcoin nuk ndjek dot sepse ka një kod, pasi sa herë kryen një transaksion ndryshon numrin e llogarisë.”, thotë ai.
Psikologia shpjegoi se personat që radikalizohen nga sekte apo webe të tilla janë të vetmuar, që nuk kanë ku të mbështeten dhe gjejnë mbështetje tek një individ që befas iu ofron gjithçka. “Janë persona të vetmuar që nuk kanë një rrjet mbështetës social, nuk kanë një partner apo familje, kryesisht studentë që nuk kanë arritur të integrohen në jetën e tyre studentore, mund të jenë dhe persona që përfshihen në sekte të caktuara fetare.
Krijohet kur fëmija kalon orë të tëra vetëm nuk kanë kohë të merren me të, dhe mekanizmi që zëvendëson prindërit është një mjet teknologjik që e bën fëmijën krejt të varur. Jo çdo adoleshent bëhet i varur, ka që dinë ta përdorin në funksion të detyrave që kanë nevojë. Nga kurioziteti për të gjetur dhe një shok kërkojnë online për të ndërvepruar me dikë. Vetmia e tyre papritur mbushet dita ditës kur ku insekt iu ofron një njeri tjetër me kushtin që të takohen.”, tha ajo.
