Prej disa ditësh vazhdon zjarri në Malësinë e Kurbinit, ndërsa njoftohet se ditën e sotme zjarri i është afruar edhe më shumë banesave në fshatin Skuraj. Mësohet se ndërhyrja nga toka është e vështirë, pasi terreni është shumë i thepisur, ndërsa Ministria e Mbrojtjes nuk ka marrë asnjë masë për të bërë ndërhyrjen nga ajri.
Ndërsa flakët janë favorizuar nga era që ka fryrë gjatë natës, duke përhapur edhe më shume zjarrin, çka kanë bërë që të shkrumbohen dhjetëra hektarë pyje dhe kullota.. Banorët janë të rrezikuar dhe i kërkojnë ministrisë të ndërhyjë sa më parë nga ajri, ndërsa zjarrfikëset janë dorëzuar dhe nuk munden të vënë nën kontroll flakët.
