Një koleksion pasurish historike me vlerë të paçmuar e njohur ndryshe si “Kasaforta Jeshile” ka rënë pre e grabitësve.
Gazeta gjermane, BILD raporton se nga kasaforta janë vjedhur një pasuri që shkon deri në 1 miliardë euro, gjë që ka shkaktuar një tensionim të madh të forcave policore.
Mësohet se banda e hajdutëve ka arritur të grabisë bizhuteri historike, diamante dhe gurë të tjerë të çmuar.
“Kasaforta Jeshile” është e famshme në mbarë botën për koleksionin e saj të artit. Aty ka vepra ari, gurë të çmuar, porcelan, gdhendje fildishi, gjithçka e paçmueshme.
