Turistë turq kanë bërë një gjest të veçantë duke ndaluar jahtin e tyre dhe në mënyrë vullnetare po ndihmojnë në shuarjen e zjarrit në ishullin e Sazanit.
Siç duket edhe nga pamjet dy turistët kanë zbritur dhe me bidona në duar kanë shuar flakën në një pemë që sapo kishte marrë flakë, duke marrë përsipër edhe rrezikun që i kanoset. Jo vetëm nga flakët, por edhe nga municionet që kanë nisur që të plasin.
Ishulli i Sazanit është përfshirë nga flakët mesditën e kaluar. Zjarri vijon të jetë aktiv prej thuajse 24 orësh dhe deri më tani nuk ka asnjë ndërhyrje nga ajri. Kjo pasi dy helikopterët që Shqipëria ka në dispozicion janë në servis. Në Sazan janë shënuar edhe shpërthime të municioneve.
