Presidenti ukrainas Volodymyr Zelensky gjatë kësaj jave ka zhvilluar një vizitë në disa vende të Evropës, sikurse në Mbretëri të Bashkuar, Francë gjithashtu edhe në Bruksel ku mori pjesë në samitin e BE-së dhe mbajti një fjalim në Parlamentin Evropian.
Me këtë rast, kryeministri hungarez Viktor Orban është kritikuar ashpër, për faktin se ishte lideri i vetëm i një shteti evropian që nuk e duartrokiti presidentin ukrainas, kur po bëheshin gati të pozojnë për një fotografi të përbashkët me liderët e tjerë të BE-së në Bruksel.
Përveç kësaj, një video që tanimë po qarkullon në rrjet është injorimi që i bëri Orban, Zelenskyt në Parlamentin Evropian.
Derisa presidenti ukrainas po përshëndetej me zyrtarë evropianë në ulëset e parlamentit, kryeministri hungarez Orban bëhej se ishte shumë i zënë për ta shmangur Zelenskyn.
Orban dukej se po merrej me disa letra në ulësen e tij.
? Orban pretends to be very busy just to avoid Zelenskyy. pic.twitter.com/6l3eXZIHFh
— NEXTA (@nexta_tv) February 9, 2023
