Vesa ka arritur të arratiset nga kazerma, atje ku “vëllai i madh” ka dënuar disa nga banorët e BB VIP3, për shkak të shkeljes së rregullave. Kështu pa u mbushur 24 orë nga dënimi, Vesa ka arritur që përmes një vrime që shërben për të komunikuar me pjesën tjetër të shtëpisë, dhe përmes të cilës banorëve të izoluar do t’u jepeshin gjërat që kishin nevojë, të bashkohet me pjesën tjetër të banorëve, jashtë kazermës.
Të dënuarit janë ndihmuar nga Fation Kuqari, i cili ka hapur vrimën, ndërsa Vesa është futur dhe e shtyrë nga Gabriele, Romeo dhe Meritoni ka arritur t’i shpëtojë izolimit.
Nuk dihet nëse do të ketë një reagim nga “Vëllai i Madh” ose jo, por më parë ishte Roza që tentoi një plan arratisjeje, por pa mundur të kalojë në pjesën e shtëpisë ku ndodhen edhe banorët e tjerë.
