Mazhoranca miraton mes kaosit dekretet e presidentit për ndryshimet në qeveri
Vezët e opozitës kishin destinacion kryeministrin Rama por kanë përfunduar tek ministrja Ermonela Felaj. Opozita qëlloi me vezë drejt kryeministrit Rama dhe kabinetit qeveritar në momentin kur në Parlament po votoheshin dekretet e presidentit për ndryshimet në qeveri.
Opozita ka qëlluar me topa letrash kryeministrin dhe më pas kanë tentuar ta qëllojnë edhe me vezë, por veza ka përfunduar tek ministrja Ermonela Felaj e truprojat e kryeministrit Rama.
Mes kësaj rrëmuje nënkryetarja e Kuvendit hodhi për votim dekretet e Presidentit për shkarkimin dhe emërimin e ministrave të rij. Dekretet u votuan ndërkohë që opozita ishte ngritur dhe po qëndronte pranë foltores së Kuvendit.
