Sulmi nga aktivistët e “Aleanca Kuqezi” tek dera e ministrisë së Shëndetësisë
Sulmohet me vezë e domate ministri i Shëndetësisë Ilir Beqaj. Aktivistë të lëvizjes “Aleanca Kuqezi” po e prisnin Beqajn para godinës së ministrisë dhe menjëherë sapo është shfaqur me automjetin e tij, protestuesit kanë lëshuar vezë dhe domate mbi të.
Sulmet me vezë e domate të aktivistëve, janë shoqëruar me thirrjet “hajdut.. hjadut” ndërkohë që “viktima” te sulmeve me vezë e domate u bënë edhe disa persona nga stafi që po e shoqëronte ministrin.
Ministri Beqaj është një ndër anëtarët më të akuzuar të kjabinetit qeveritar pasi është vënë në shënjestër të sulmeve të opozitës dhe medias për disa tendera të dhëna nga kjo ministri, ndër të cilat dhe më i përfoluri, tenderi për dializën.
Sulmet të tilla ndaj qeveritarëve, kanë nisur të bëhen më të shpeshta pasi një grup studentësh goditën me vezë kryeministrin pak muaj më parë, gjatë një takimi që i po zhvillonte në fakultetit të shkencave sociale. Studentët që sulmuan kryeministrin i përkisnin grupimit të atyre që janë kundër reformës në arsimine lartë.
