Rreth 1.500 qytetarë vlonjatë dhe 1 mijë qytetarë korçarë i janë bashkuar nismës së ndërmarrë nga shoqëria civile për zbatimin e rëformës në drejtësi.
Në qytetin e Vlorës janë vendosur dy çadra, një në zonën e Skelës dhe një përgjatë bulevardit “Ismail Qemali”. Sipas qytetarëve vlonjatë, sistemi i korruptuar i drejtësisë duhet të marë fund njeherë e përgjithmonë. Çadrat do të qëndrojnë të hapura deri në përmbushjen e misionit të tyre.
Përfaqësues të shoqërisë civile në Korçë kanë nisur mbledhjen e firmave ku rreth 1.000 qytetarë kanë hedhur firmat e tyre, duke u shprehur se reforma në drejtësi duhet të gjejë sa më parë zbatim.
