Vetëm pak orë të cilat na ndajnë nga mbledhja e seancës parlamentare, Kryeministri Edi Rama, kryetari i grupit parlamentar Gramoz Ruçi dhe deputeti Fatmir Xhafaj janë mbledhur në një takim në vilën qeveritare me kryetarin e Lëvizjes Socialiste për Integrim, Ilir Meta.
Ky takim vjen pak orë para seancës plenare e planifikuar në orën 18:00.
Mbledhja e grupit parlamentar në selinë e PS-së, nuk solli ndonjë produkt në këtë drejtim. Partia Socialiste nuk ka vendosur ende për emrat që do të propozojë për Komisionet e vettingut.
Kreu i Kuvendit Ilir Meta u është drejtuar me një letër krerëve të grupeve parlamentare, përmes së cilës kërkon të dorëzohen propozimet për emrat e komisioneve të Vettingut.
Parlamenti mblidhet në orën 18: 00 për të votuar dy projektvendime.
