Operacioni Ndërkombëtar i Monitorimit i ka dorëzuar Avokatit të Popullit listën e kandidatëve për organet e Vettingut.
ONM sqaron se pas mbikëqyrjes së procesit të përzgjedhjes nga AP, misioni ka hartuar dy lista për aplikantët.
“Bazuar në kontrollet e kritereve të kualifikimit, të kryera nga zyra juaj, u publikuan dy lista. 29 aplikantë u vendosën në listën e atyre që plotësojnë kërkesat formale; 164 aplikantë u vendosën në listën e atyre që nuk i plotësojnë”, sqaron ONM.
Sipas letrës, nga 29 aplikantë në listën e parë, 8 prej tyre kanë marrë rekomandim negativ nga ONM. “Rrjedhimisht, janë 21 aplikantët që janë gati për listën finale që do të shqyrtohet nga Parlamenti”, sqarohet në letër.
Ndërkohë, nga 164 aplikantët e listës së dytë, 85 prej tyre kanë marrë rekomandim negativ dhe 79 jo, sqaron më tej misioni ndërkombëtar.
