Kolegji i Posaçëm i Apelimit ka lënë në fuqi vendimin për shkarkimin nga detyra të prokurorit të Korçës, Elson Sadiku. Në vendimin e KPA rezulton se 4 anëtarë kanë që qenë pro shkarkimit ndërsa ish-kryeprokurorja Ina Rama ka votuar që ai të rikthehet në detyrë.
Në lidhje me këtë vendim Sadiku ka reagur në rrjetet sociale në të cilën shkruan: “Jemi bërë si në epokën e xhaxhit, duhet të pyesim për biografinë përpara së të martohemi.”
Reagimi i plotë i Sadikut:
“Për të gjithë miqtë e mi, duke qenë se profilin nuk e kam publik. Sot u mor vendimi përfundimtar për shkarkimin tim. Nuk po e shkruaj këtë postim për ngushëllim, por duhet të sqaroj miqtë e mi jo opinionin publik, se këtij të fundit ia kanë bërë mendjen çorap ata që kanë zgjedhur njerëzit e reformës.
Një plak më pyeti se përse të shkarkuan: “I thashë sepse nuk e pyeta nusen para se të martohesha kishte punuar e siguruar apo e pasiguruar”. Qenka bërë si në kohën e xhaxhit më tha: “që duhet të pyesje për biografinë para se të martoheshe”. Kjo është e gjitha nga reforma në drejtësi. Ta gëzojmë të gjithë bashkë”
