Komisioni ad hoc ka votuar sot për Kolegjin e Posaçëm të Apelimit. Ardjan Hajdari, Ina Rama, Sokol Como, Natasha Mulaj, Luan Daci, Albana Shtylla, janë zgjedhur me votim të fshehtë anëtarët e Kolegjit të Apelimit.
Në Kryesinë e Kuvendit u votuan dhe kandidatët e parë dhe të dytë zëvendësues të gjyqtarit në Kolegjin e Posaçëm të Apelimit, Mimoza Tasi dhe Etleva Papleka.
Procesi i votimit u ndoq edhe nga Ambasadorët e akredituar në Tiranë, ku ranë në sy ai i SHBA Donald Lu dhe Ambasadorja e BE-së Romana Vlahutin.
Gjyqtarët e Kolegjit të Apelimit, kanë një mandat 9-vjeçar.
Pas kësaj, Kuvendi brenda 10 ditëve miraton listën e kandidatëve në bllok, me 3/5 e votave të të gjithë anëtarëve të tij.
