“Hapi i parë i reformës në drejtësi nisi dje me Operacionin Ndërkombëtar të Monitorimit”. Kështu deklaroi sot ambasadorja e BE-së Romana Vlahutin.
E pranishme në publikimin e gjetjeve të raportit mbi besimin në qeverisje 2016, Vlahutin tha se kemi dy vite që luftojmë për të ngritur nivelin e besimit tek drejtësia.
Me tej ajo u shpreh që “… Kanë qenë më shume se 100 aplikime që kanë shprehur interesin për pozicionet e anëtarëve të institucioneve të rivlerësimit kalimtar të gjyqtarëve dhe prokurorëve”.
Gjithashtu ambasadorja e BE-së tha se reforma do të ketë edhe kundërshtime, nga ata që kanë interesa personale.
