Një i burgosur shqiptar është vetëvrarë brenda furgonit të policisë në Greqi. Ngjarja ka ndodhur të enjten, por është publikuar sot. Sipas mediave greke, ai po transportohej nga spitali i Amfisës drejt burgut të Malandrinos.
38-vjeçari, identiteti i të cilit nuk bëhet i ditur, vari veten me lidhëset e këpucëve në dritaren e furgonit që në rrethet e policisë greke quhet “Kluva”.
Ai ishte transportuar në spital pasi kishte paraqitur probleme shëndetësore. Shqiptari vuante dënim për vepra të ndryshme penale. Sakaq, kane nisur hetimet në lidhje me zbardhjet e ngjarjes.
