Kryetari i PD, Lulzim Basha ka qenë këtë të premte në Kolonjë të Lushnjes, ku ka ngushëlluar familjarët e 22-vjeçarit, Estref Halili, i cili vrau veten në qeli pasi u arrestua për një cigare hashash.
Në prononcimin për mediat, Basha ka akuzuar pushtetin e kryeministrit Rama, që sipas tij nuk arreston trafikantët e vërtetë por të rinj të rritur në varfëri, me mund e sakrifica nga prindërit e tyre, sikurse ishte rasti i Estrefit.
Duke i shprehur ngushëllimet familjes Halili, por edhe gjithë komunitetit të Kolonjës, Basha ka dhënë premtimin e tij se kjo padrejtësi e madhe do të marrë fund.
